之前一直都冇喺呢到同大家公布，而家終於順利過晒懷孕三關，係時候同大家講啦！❤我又做媽媽了✌因為懷孕過程真係一啲都簡單，首先要過懷孕三關(第一關~排除宮外孕，第二關~唐氏綜合症篩查)而第三關亦都係我最緊張兼重視既關口~照結構❤因為大部分有問題既嬰兒喺呢一關都會發現到，所以第一胎照結構果日勁緊張，驚手指腳趾多咗少咗~又擔心有冇兔唇顎裂~又擔心有冇咩內在問題，而知道第一胎係囝囝既時候，真係開心到飛起😍😍😍到今胎，照結構我依舊超級緊張，不過好彩今醫生話當日咁多個排隊照結構既胎兒之中我果個係最聽話又配合，好活躍✌而且各方面既數值都達到最標準，真係好開心呀！可以鬆一口氣🍻而家可以安心養胎等BB 10月出世啦！😍今胎既性別啦~結果係同圖中既公仔一樣……囝囝黎既，最開心應該係卓謙，因為佢實鐘意同細佬玩多過妹妹😂雖然有少少失望，不過正如大家同身邊既人都話男女唔重要，最緊要健健康康，所以我都好感恩兼接受咗啦！❤今次追女計劃失敗咗，即使已經做好晒所有事前準備，例如計日子，睇中醫加埋食療方法，所以除咗相信係天意，亦都發現……原來老公前世係冇情人既😝😝😝而我……前世今生都咁精彩😂從此有2位皇子加1個大皇黎保護我，我可以繼續做皇后娘娘啦！😂😂😂至於我會唔會好似陳欣微咁生第三個追囡~本宮現階段有保留既😂，囡我係好想要架啦！但如果第三個都係囝，我諗我會暈咗都似🙈，同埋大前提要睇下細佬B乖唔乖先，再而睇下有冇咁多銀彈再決定啦！稍後既時間會同大家分享下我既懷孕點滴同靚湯食譜，大家有興趣就要留意住啦！👶❤
Search